Este ano un dos grupos referentes da musica tradicional no Val de Barcala "Limagoia", cumpre 25 anos, e vaino a celebrar cunha gran festa arroupadas por amigos e colaboradores.
O cartel no pode ser máis interesante.....
XOSÉ MANUEL BUDIÑO:
BUDIÑO é un artista atípico, un
compositor que desperta admiración entre os seus, un creador fascinante que
enraíza a súa música na tradición galega mesturada sutilmente cos sons máis
contemporáneos, un músico co seu “sotaque”
Ten publicado ata o de agora seis
traballos discográficos, PARALAIA, ARREDOR, ZUME DE TERRA, HOME, VOLTA máis este último que fai o número
seis, SOTAQUE. As
súas creacións, os seus espectáculos en directo, son recoñecidos
mundialmente pola crítica especializada e afianzados con premios de prestixio
entre a profesión. BUDIÑO ten levado as súas composicións por todo o
planeta, enchendo teatros de público ávido de gozar coas súas actuacións.
Cidades como Shanghai, Damasco, Beirut, Casablanca, Tanger, Frankfurt, Milán,
Glasgow, Bos Aires, Bogotá o México D.F. poden dar boa conta diso.
Os seus inicios foron na Escola de Gaitas Semente Nova
de Moaña e na Universidade Popular de Vigo. Máis tarde descobre o Laboratorio
de Creatividade Musical de Jazz en Vigo, ao mesmo tempo que a súa paixón pola
composición. Despois de traballar no eido da música tradicional galega
durante anos, explora outras canles artísticas tocando a cotío con músicos de
jazz, de clásica, de pop ou de flamenco e compartindo cartel e escenario con
artistas como Van Morrison, Jerry González, Jorge Pardo,
Capercaillie ou a Orquestra Sinfónica de Lorient entre outros.
LEILÍA:
Leilía nace no ano 89, da man de seis mulleres, que
coa aposta pioneira e atrevida, propuseronse recuperar a tradición oral galega.
Ó son das pandeiretas, pronto chegaron os froitos, grazas á singularidade e beleza
da música “de raíz”.
A mediados dos 90 presentaron “Leilía” (Dismedic)
composto exclusivamente por pezas tradicionais. Con esta publicación obtiveron un
importante recoñecemento da crítica e público, que descubre un modo de
expresión oral, ata ese momento descoñecido na nosa sociedade.
Máis tarde incorporaron instrumentos e polifonías non
tradicionais. Así nace “I é
verdade, i é mentira” (Virgin
Records) (1998) baixo a produción musical de Nando Casal e Antón Seoane, membros
de Milladoiro.
No ano 2003, publicamos
“Madama” (Discmedi) no que seguindo a estela do traballo anterior, incorporaron
un novo elemento: letras de temática actual.
No ano 2005, coincidindo con seu 15º aniversario,
publicaron “Son de Leilía” (Leilear), un percorrido pola historia do grupo, no
que se reflexan as raíces tradicionais, asó como as pezas máis evolucionadas,
pasando polas diferentes colaboracións que fixeran o longo deses 15 anos. Así a
mestura da lugar a un traballo no que o pasado convive coa actualidade e no que
teñen cabida os temas que grabaron con artistas como Milladoiro, Budiño, Bleizi
Ruz, e outros, xunto a temas inéditos como a pieza central da banda sonora da película Fisterra.
A
portas do 2012 sae á luz CONSENTIMENTO, un traballo onde destacan as melodías
tradicionais recopiladas por Leilía misturadas coas letras creadas por importantes
escritoras e con arranxos feitos por Xoan Porto. Un disco, que sen deixar de soar
a Leilía, ten corpo e gusto propio.
LIMAGOIA:
A formación inicial deste grupo de pandereteiras tiña
o nome de "Buxaina" e estaba formado por: Omaira Lista, Dolores Campos, Sonia
Forjan, Carolina Fernández, Sonia Nieto, Elsa Grille, Inmaculada Temes, Paula
Liñares, Silvia Fadeville e Soledad Zarco.
Uns anos máis tarde coa
marcha dalgunha compoñente, o grupo pasou a
chamarse "LIMAGOIA", por último Inés Ruso tamén se incorporou a este grupo que despois de moitos anos xuntas en concertos e
celebracións, chegan este ano o 25
aniversario defendendo a música tradicional galega, sempre baixo a batuta
protectora de Felisa Segade, unha histórica integrante do grupo Leilía.
No hay comentarios:
Publicar un comentario